ლისაბონში, ძიუდოისტთა ევროპის ჩემპიონატი ქართული დელეგაციისთვის წარმატებით დასრულდა. საქართველოს ნაკრებმა ტურნირზე 5 სხვადასხვა სინჯის მედალი მოიპოვა და საერთო გუნდურ ჩათვლაში პირველი ადგილი დაიკავა.
ევროპის ჩემპიონი 90 კგ წონით კატეგორიაში ლაშა ბექაური გახდა, რომელმაც ფინალში ბექა ღვინიაშილი დაამარცხა. შედეგად, ბექა ვერცხლის მედალს დაეუფლა.
-100 კგ წონით კატეგორიაში ვერცხლის მედალი მოიპოვა ვარლამ ლიპარტელიანმა, რომელიც ფინალში ბელგიელ ნიკიფოროვთან დამარცხდა. ასევე ვერცხლის მედალი მოიპოვა მსუბუქ წონაში ვაჟა მარგველაშვილმა.
ბრინჯაოს მედლის მფლობელი კი მძიმეწონოსანი გურამ თუშიშვილი გახდა.
