ლა-ლიგის მორიგი ტურის უმთავრესი მატჩი ბუნებრივია მადრიდის „რეალის“ და „ბარსელონას“ დაპირისპირება იყო. ელ-კლასიკო, რომელსაც მილიონობით გულშემატკივარი გაფაციცებით ადევნებს თვალ-ყურს.
სამეფო გუნდმა კატალონიური გრანდი დაძაბულ ბრძოლაში 2:1 დაამარცხა. ზინედინ ზიდანის შეგირდებმა უმნიშვნელოვანესი 3 ქულა მოიპოვეს, თუმცა ერთი უსიამოვნო ამბავიც შეემთხვათ.
„რეალს“ პირველი ტაიმის მიწურულს ერთ-ერთი საკვანძო ფიგურა ლუკას ვასკესი დაემტვრა. ვასკესი მოედნის ცენტრში სერხიო ბუსკეტს შეეჯახა და მუხლი დაიზიანა. ფეხბურთელმა მატჩის გაგრძელება ვეღარ შეძლო და ზიდანმაც ის შეცვალა.
ლუკას ვასკესის ტრავმა იმდენად მძიმე აღმოჩნდა, რომ მისთვის სეზონი უკვე დასრულებულია. ვასკესს მარცხენა მუხლზე მყესი აქვს დაზიანებული და რეაბილიტაციას მინიმუმ 8 კვირა დასჭირდება.
