მარტის სანაკრებო მატჩები უკვე ისტორიის კუთვნილებაა. საქართველოს ნაკრებმა სალონიკში საბერძნეთის წინააღმდეგ ფრედ 1:1 ითამაშა. ეს ის შემთხვევა იყო, როდესაც ჯვაროსნები მოგებას იმსახურებდნენ, მაგრამ ოდენ ქულას გამორჩნენ.
მატჩის შემდეგ ვილი სანიოლმა ხაზი იმ გარემოებას გაუსვა, რომ უცნაური ჯახი გამოდგა, თუმცა წინა ორი დაპირისპირება მისმა გუნდმა უკეთ ჩაატარა, ვიდრე საბერძნეთთან.
„გოლის გაშვების შემდეგ მნიშვნელოვანი ფაქტორი ის იყო, რომ საბედნიეროდ მალევე გავათანაბრეთ. ზოგადად ვიტყოდი, რომ უცნაური მატჩი გამოდგა. აქვე იმასაც დავამატებ, რომ წინა ორი შეხვედრა შვედეთთან და ესპანეთთან უკეთ ვითამაშეთ, თუმცა მაინც უქულოდ დავრჩით.
ნამდვილად უსამართლობა იქნებოდა დღესაც, რომ წაგვეგო და გრაფაში ისევ ნული ქულა გვწერებოდა. ვამაყოფ ჩემი ფეხბურთელებით.
ტრიბუნები ცარიელი იყო. ვფიქრობ, ბერძენი ქომაგების თანხლებით უფრო რთული თამაში გამოდგებოდა. იმედი მაქვს, რომ მომავალში ყველაფერი უკეთ იქნება“ – აღნიშნა ჯვაროსნების მთავარმა მწვრთნელმა.
