საკალათბურთო ჩემპიონთა ლიგაზე გიორგი შერმადინის „ტენერიფემ“ ჯგუფური ეტაპის ბოლო მატჩი გამართა. ქართველი კალათბურთელის გუნდი იტალიაში „დინამო სასარის“ შეხვდა და 19 ქულის სხვაობით, 84:63 გაიმარჯვა.
შერმადინი მოედანზე ერთ-ერთი საუკეთესო იყო. ქართველმა ცენტრმა 19 წუთი ითამაშა და ამ დროის განმავლობასი 16 ქულა, 4 მოხსნა და 2 შედეგიანი გადაცემა დააგროვა.
„ტენერიფემ“ ჯგუფურ ეტაპზე 6-დან 4 შეხვედრა მოიგო და 10 ქულით მეორე ადგილზე გავიდა. ჯგუფის ლიდერი კი გერმანული „ლუდვისბურგი“ გახდა, რომელთანაც „ტენერიფე“ ორივე შეხვედრაში დამარცხდა.
