პორტუგალიის თასის ნახევარფინალში, ბრაგასა და პორტუს დაპირისპირების მიმდინარეობისას მასპინძელთა მცველმა, დავიდ კარმომ უმძიმესი ტრავმა მიიღო.
65-ე წუთზე, როდესაც პორტუ უტევდა, კარმომ ლუის დიასის დარტყმის დაბლოკვას ცდილობდა, ეპიზოდის დასასრულს კი მეტოქის ფეხი მოხვდა და ფეხი მოიტეხა. როდესაც ფეხბურთელები სიტუაციაში გაერკვნენ და კარმოს ფეხი დაინახეს, მაშინვე სამედიცინო პერსონალს უხმეს. მოედანზე შევიდა რეანომობილიც და ფეხბურთელი პირდაპირ სამედიცინო დაწესებულებაში გადაიყვანეს.
ეპიზოდის სიმძიმის მიუხედავად, ბოლოს მაინც კურიოზული ვითარება შეიქმნა. მოედანზე შესული რეანომობილი უკან გამოსვლას ვეღარ ახერხებდა და ფეხბურთელების დახმარება გახდა საჭირო. საბოლოოდ, როგორც ერთი, ისე მეორე გუნდის ფეხბურთელების ძალისხმევით, სასწრაფო დახმარების მანქანამ მოედანი დატოვა.
აღნიშნული ეპიზოდი შეხვედრის მთავარმა მსაჯმა VAR-ით გადაამოწმა რის შემდეგაც ლუის დიასს წითელი ბარათი უჩვენა და მოედნიდან გააძევა.
