ჩემპიონთა ლიგის მიმდინარე სეზონის გათამაშება სულ უფრო საინტერესო ფაზაში შედის. უკვე ცნობილია ის 8 გუნდი, რომლებიც სტამბულის ფინალისკენ მიმავალ გზაზე ერთმანეთთან ურთიერთობას გაარკვევენ.
ქალაქ ნიონში, უეფას შტაბ-ბინაში გამართულმა წილისყრამ მეტად საინტერესო წყვილები გამოავლინა. სხვაგვარად არც შეიძლებოდა ყოფილიყო. მეოთხედფინალი უკვე ის სტადიაა, სადაც მარტივად ვერავინ გაისეირნებს.
დღეს მხოლოდ მეოთხედფინალის წილისყრა არ ყოფილა. უეფამ ასევე განსაზღვრა თუ ნახევარფინალშიც რომელი წყვილების გამარჯვებულები დაეჯახებიან.
ეს საპატიო მისის კი ახლო წარსულში გამოჩენილ ფეხბურთელს ჰამით ალტინტოპს ერგო. სწორედ მან ამოიღო ბურთულები და მეოთხედფინალური წყვილებიც გაირკვა.
მანჩესტერ სიტი – დორტმუნდის ბორუსია
პორტუ – ჩელსი
ბაიერნი – პსჟ
რეალი – ლივერპული
ამრიგად, ფეხბურთის ქომაგებს მაგარი ვნებათაღელვა ელით. ჰამით ალტინტოპმა ორი სუპერწყვილი გამოავლინა.
მეოთხედფინალური მატჩები 6-7 და 13-14 აპრილს გაიმართება.
ბაიერნი-პსჟ-ს შორის გამარჯვებული ნახევარფინალში მანჩესტერ სიტის და დორტმუნდს შორის უკეთესს შეხვდება, ხოლო პორტუ-ჩელსის შორის მოგებული რეალი-ლივერპულის გამარჯვებულს.
