მასიმილიანო ალეგრი 2019 წლის შემდეგ უმუშევარია. გამოცდილ იტალიელ სპეციალისტს უქმობა გაეწელა, თუმცა როგორც ჩანს მას მალე კვლავ ჩვეულ ამპლუაში ვიხილავთ.
ავტორიტეტული უცხოური გამოცემები, ალეგრის სახელს არაერთ ევროპულ გრანდს უკავშირებენ, თუმცა კონკრეტული ჯერ არაფერია.
იტალიელ მწვრთნელს „ტოტენჰემიდან“ შეეხმიანნენ და მთავარი მწვრთნელის სავარძელი შესთავაზეს, თუმცა ალეგრიმ ლონდონელები თავაზიანი უარით გაისტუმრა. მიზეზი „რეალზე“ ფიქრია. იმ შემთხვევაში თუ ზინედინ ზიდანის სამეფო გუნდიდან წასვლა დადასტურდება, უმთავრესი კანდიდატი სწორედ ალეგრია. ჰოდა, მასიმილიანოც ფლორენტინო პერესის ზარის მოლოდინშია.
პერესის და ზიდანის შეხვედრა ლა-ლიგის დასრულების შემდეგ შედგება და ფრანგი მწვრთნელის „რეალიდან“ წასვლის ან დარჩენის საკითხს ნათელი მაშინ მოეფინება.
