ქუთაისის “ტორპედო” მაგამედ პარაგულგოვმა და ლაშა ჩალაძემ დატოვეს. ინფორმაციას იმერული კლუბი სოციალურ ქსელში ავრცელებს.
ჯერჯერობით უცნობია, თუ სად გააგრძელებენ ფეხბურთელები კარიერას.
პარაგულგოვი იმერულ გუნდს 2021 წელ შეუერთდა, ყაზახმა ფეხბურთელმა გია ცეცაძის გუნდის მაისურით 8 შეხვედრა ჩაატარა.
ლაშა ჩალაძე მაგამედ პარაგულგოვის მსგავსად გუნდს გასულ სეზონში შეურთდა, ვეტერანმა ნახევარმცველმა “ტორპედოს” მაისურით ჩატარებულ 27 შეხვედრაში 1 გოლი გაიტანა.
იმერული კლუბი ფეხბურთელებს გაწეული პროფესიონალიზმისათვის მადლობას უხდის და მომავალში წარმატებებს უსურვებს.
