პრემიერლიგის მორიგ ტურში ერთ-ერთი ცენტრალური მატჩი ლონდონური დერბი გახლდათ, რომელშიც „არსენალმა“ საკუთარ მოედანზე „ტოტენჰემი“ მიიღო. ჟოზე მოურინიოს გუნდი 33-ე წუთზე ერიკ ლამემას ულამაზესი გოლით დაწინაურდა. ესპანელმა ფეხბურთელმა უმშვენიერესი რაბონა დარტყმით ანგარიში გახსნა და როგორც ამბობენ ეს გოლი წლის საუკეთესოს ნომინაციაზე იქნება წარდგენილი.
მოკლედ, „ტოტენჰემის“ ფორვარდმა უიშვიათესი სილამაზის გოლით საფეხბურთო სამყარო კი აალაპარაკა, მაგრამ სიხარული დიდხანს არ დასცალდა. მისმა გუნდმა „არსენალთან“ 1:2 მაინც წააგო და ამას გარდა თავად ლამელაც მოედნიდან გააძევეს. ამით კი ის უცნაურ და საინტერესო სტატისტიკაში მოხვდა.
ინგლისური ფეხბურთის, უფრო სწორად ჩემპიონატების ისტორიაში ის გახდა მეხუთე ფეხბურთელი, რომელიც მოედანზე შეცვლაზე შევიდა, გოლი გაიტანა და თან წითელი ბარათიც აუფრიალეს. აქამდე იგივე ბობი ზამორას, დევიდ ლის, ივან კლასნიჩს და ჰალ რობსონ-კალუს დამართნოდა.
შეგახსენებთ, ერიკ ლამელა ჟოზე მოურინიომ მოედანზე მე-19 წუთზე შეუშვა, ხოლო 76-ზე მსაჯმა მეორე ყვითელი ბარათი უჩვენა და გააძევა.
