ესპანეთის საკალათბურთო ლიგაში სტარტი აიღო ქვეყნის თასის გათამაშებამ. ტურნირის პირველ მეოთხედფინალურ მატჩში ერთმანეთს საქართველოს ნაკრების კალათბურთელების გუნდები შეხვდნენ. გიორგი შერმადინის „ტენერიფე“ საკუთარ მოედანზე ტად მაკფადენის „ბურგოსს“ შეხვდა და 11 ქულიანი სხვაობით, 87:76 დაამარცხა.
გიორგი შერმადინმა მატჩი სასტარტო ხუთეულში დაიწყო და მოედანზე გატარებულ 23 წუთში 12 ქულა და 5 მოხსნა შეასრულა.
რაც შეეხება მაკფადენს, ნატურალიზირებული ამერიკელი პარკეტზე სათადარიგოდან შევიდა და 27 წუთში 9 ქულა 2 მოხსნა და 2 შედეგიანი გადაცემა დააფიქსირა.
„ტენერიფე“ თასის ნახევარფინალში მადრიდის „რეალს“ შეხვდება.
