გუშინ, ჩემპიონთა ლიგის ჯგუფური ეტაპის მეორე ტურში ტირასპოლის „შერიფმა“ მადრიდის „რეალი“ სენსაციურად, 1:2 დაამარცხა და საკუთარ ჯგუფში 6 ქულით გალიდერდა.
შეხვედრის დასრულების შემდეგ, „სამეფო კლუბმა“ სოციალურ ქსელში შედეგის ამსახველი ფოტო გამოაქვეყნა, სადაც „საბურთალოს“ კომენტარი მოგვევლინა: „ჩვენ შეგვიძლია გასწავლოთ, როგორ უნდა „შერიფის“ დამარცხება“.
2 ტურის შემდეგ, ჩემპიონთა ლიგის D ჯგუფში პირველ ადგილზე 6 ქულით ტირასპოლის „შერიფია“, „სამეფო კლუბი“ კი 3 ქულით მეორე ადგილზე იმყოფება. ამავე ჯგუფში არიან „ინტერი“ და დონეცკის „შახტარი“, რომლებიც თითო-თითო ქულით მესამე-მეოთხე ადგილს ინაწილებენ.
რაც შეეხება „საბურთალოს“, თბილისურმა კლუბმა „შერიფი“ 2019 წელს, ჩემპიონთა ლიგის ჯგუფური ეტაპის შესარჩევ მატჩში სტუმრად 0:3 დაამარცხა, საკუთარ მოედანზე კი 1:3 დამარცხდა.
ჩემპიონთა ლიგაზე „შერიფს“ მომდევნო შეხვედრა 19 ოქტომბერს, სტუმრად „ინტერის“ წინააღმდეგ ელის.
