ჩემპიონთა ლიგის მიმდინარე სეზონის ერთ-ერთი სენსაციად უდავოდ ტურნირიდან „იუვენტუსის“ გამოვარდნა უნდა მივიჩნიოთ. წილისწყრის შემდეგ, როდესაც გაირკვა, რომ ტურინული გუნდი „პორტუს“ გაეჯიბრებოდა, სპეციალისტებმა და ფეხბურთის გულშემატკივრებმაც ფავორიტებად კრიშტიანო რონალდუ და კომპანია შერაცხეს, თუმცა პორტუგალიელებისგან ცივი შხაპი მიიღებს.
სტუმრად წაგებული 1:2-ის შემდეგ, „იუვენტუსს“ შინ მინიმალური ანგარიშით მოგებაც ჰყოფნიდა. მოიგეს კიდეც, ოღონდ ეს შემდეგ ეტაპზე გასასვლელად საკმარისი არ აღმოჩნდა. „პორტუმ“ სტუმრად გატანილი ორი გოლის წყალობით 1/4 ფინალის საგზური გაინაღდა. „იუვენტუსმა“ მატჩის დამატებით დროში გადაყვანა შეძლო და იქაც ერთი გაიტანა, თუმცა მანამდე გაშვებაც მოასწრო. მოკლედ 3:2 ტურინელთა სასარგებლოდ, თუმცა როგორც უკვე ვთქვით, ანდრეა პირლოს გუნდს მთავარი მიზნის მისაღწევად ეს გამარჯვება მაინც არ ეყო.
რა თქმა უნდა, მეცხრე ცაზე იყო პორტუგალიელთა მთავარი მწვრთნელი სერჟიო კონსეისაო:
„ასეთი გამარჯვებებით იწერება კლუბის ისტორია. მსგავს დრამატულ მოგებას ყოველთვის სხვა გემო აქვს. მართალია, წავაგეთ, თუმცა მთავარი მიზანი მაინც მიღწეულია და ჩვენ მომდევნო ეტაპზე ვართ.
ვამაყობ ჩემი ფეხბურთელებით. პორტუ ის გუნდია, რომელმაც იცის იუვენტუსის და ზოგადად ევროპის სხვა გრანდებთან როგორ უნდა ითამაშოს. ფეხბურთელებმა ზუსტად გაიგეს მათგან რას ვითხოვდი და დავალებაც იდეალურად შეასრულეს.
ბუნერბივია რთული მატჩი იყო, თუმცა ალბათ მარტო ჩვენთვის არა. მეტოქესაც საკმაოზე მეტი პრობლემები შევუქმენით. როდესაც კაცნაკლული დავრჩით, ჩვენი ნამდვილი სახეც მაშინ გამოჩნდა. პორტუმ ეს გამარჯვება დაიმსახურა“ – აღნიშნა სერჟიო კონსეისაომ.
