სერბ მსაჯს, სრბიან ობრადოვიჩს 15 თვით თავისუფლების აღკვეთა მიუსაჯეს. ინფორმაციას ადგილობრივი მედია ავრცელებს.
მიზეზი ობრადოვიჩის მიერ 2018 წელს, „სპარტაკისა“ და „რადნიჩკის“ შორის განსჯილი შეხვედრა გახდა, რომლის დროსაც მსაჯმა მასპინძელი გუნდის სასარგებლოდ ორი საეჭვო პენალტი დანიშნა. შედეგად „სპარტაკმა“ 2:0 გაიმარჯვა და უეფას ევროპა ლიგის საგზური მოიპოვა. ამავე შეხვედრაში, ობრადოვიჩმა „რადნიჩკის“ მცველს წითელი ბარათიც უჩვენა და მოედნიდან გააძევა.
საგულისხმოა, რომ შეხვედრიდან სამი წლის შემდეგ, სერბეთის უზენაესი სასამართლოს ანტიკორუფციულმა განყოფილებამ მსაჯი დამნაშავედ ცნო და გუშინ 15-თვიანი პატიმრობა მიუსაჯა. ამასთან, მას საქმიანობა 10 წლით აეკრძალა.
ქვემოთ მოყვანილ ვიდეოში ნახავთ, რომ მეორე თერთმეტმეტრიანი ობრადოვიჩმა არნახული სიტუაციიდან დანიშნა და ამ გადაწყვეტილებას ფაქტობრივად არაფერი მოასწავებდა. სწორედ ეს ეპიზოდი გახდა გამოძიების დაწყების მიზეზი.
თავად ობრადოვიჩი აცხადებს, რომ ამ კონკრეტულ სიტუაციაში მან ხელით თამაში დაინახა და ამაში მხარი დამხმარე მსაჯმაც დაუჭირა.
¡INSÓLITO! 🎥 | El árbitro Srdjan Obradovic fue arrestado por marcar un penal inexistente en el juego Spartak Subotica ante Radnicki Nis en Serbia.
El Subotica ocupaba ganar para acceder a la Europa League, el central fue acusado de ayudar al equipo local que terminó ganando 2-0 pic.twitter.com/4mTmaYNg3l
— Deportes TVC (@DeportesTVC) May 15, 2018
