ესპანური „ტენერიფეს“ ქართველ ცენტრს, ესპანეთის საკალათბურთო ლიგის ხელმძღვანელებმა სასიამოცნო სიურპრიზი მოუწყვეს.
გიორგი შერმადინს ლიგის წარმომადგენლებმა იანვრის საუკეთესო კალათბურთელისთვის განკუთვნილი ჯილდო სასტუმროში გადასცეს. სიურპრიზის ამსახველ კადრებს ACB საკუთარ Facebook-გვერდზე ავრცელებს.
31 წლის კალათბურთელს იანვარში შთამბეჭდავი პერიოდი ჰქონდა. მისი საშუალო სტატისტიკა ასე გამოიყურებოდა: 20.6 ქულა და 5.6 მოხსნა. მისი მარგი ქმედების კოეფიციენტი კი 27-ს გაუტოლდა.
იანვარში საუკეთესო მატჩი შერმადინს „მანრესასთან“ ჰქონდა. ამ შეხვედრაში გიომ მეტოქეს 29 ქულა ჩაუგდო, რაც კარიერის განმავლობაში ერთ-ერთი საუკეთესო შედეგია.
