„ბარსელონა“ ევროსარბიელს ნაადრევად დაემშვიდობა. კატალონიური გრანდისთვის არის უჩვეულო ჩემპიონთა ლიგის 1/8 ფინალური სტადიიდან გამოვარდნა, თორემ სხვა არაერთი გუნდისთვის ამ დონემდე მისვლაც დღემდე ოცნებას წარმოადგენს.
„ბარსელონა“ კი ტურნირს ფრანგულმა გრანდმა გამოთიშა. პრინციპში, პირველი მატჩის შემდეგ უკვე ყველაფერი გაირკვა, როდესაც „პსჟ“-მ კატალონიელები „ნოუ კამპზე“ 4:1 დაამარცხა.
განმეორებით დაპირისპირებას უკვე ფორმალური სახე მიეცა, თუმცა სამართლიანობა მოითხოვს აღინიშნოს, რომ „ბარსელონამ“ უამრავი საგოლე მომენტი შექმნა და მინიმუმ მოგებას მაინც იმსახურებდა. საბოლოოდ მატჩი ფრედ 1:1 დასრულდა.
რონალდ კუმანი ოდნავ ნირწამხდარი, თუმცა მაინც ამაყი იყო.
„დიახ, ჩვენ ტურნირს გამოვეთიშეთ. ამით მილიონობით ქომაგს გული დავწყვიტეთ, მაგრამ ეს სპორტი და ფეხბურთია. ყოველთვის ვერ მოიგებ.
მიუხედავად გამოვარდნისა, ჩემპიონთა ლიგას მაინც ამაყად ვტოვებთ. ამ სიტყვის თქმა არ მომერიდება. დღეს უამრავი მომენტი გვქონდა და სულაც შეგვეძლო მომდევნო ეტაპზე ჩვენ გავსულიყავით. სამწუხაროა, რომ პენალტის გატანა ვერ შევძელით. ასე რომ მოხმდარიყო მეორე ტაიმში უფრო მეტად თავდაჯერებულები ვიქნებოდით.
კიდევ ერთხელ გამოჩნდა, რომ ბარსელონა უმაღლესი დონი გუნდია. ასე უნდა გავაგრძელოთ. დამწუხრებულები ვართ, მაგრამ ამავდროულად თავაწეულები“ – აღნიშნა რონალდ კუმანმა მატჩის შემდეგ პრესკონფერენციაზე.
