ახლა, მთელი მსოფლიოს ყურადღება ამერიკის შეერთებული შტატებისკენ არის მიპყრობილი, ოღონდ სამწუხაროს არა სასიამოვნო ამბების, არამედ იმ არეულობის გამო, რაც ქალაქ ვაშინგტონში განვითარდა.
აშშ-ს დედაქალაქში, ქვეყნის პარლამენტის შენობაში შეჭრილი მეამბოხეები და 4 დაღუპული მსოფლიო მედიის მთავარი განხილვის საგანია. ჯერ კიდევ მოქმედი პრეზიდენტის დონალდ ტრამპის მომხრეები არჩევნების შედეგებს არ ურიგდებიან. კაპიტოლიუმში შეჭრის მიზეზიც ეს იყო, სადაც აშშ-ს კონგრესის წევრები 3 ნოემბრის საპრეზიდენტო არჩევნების შედეგებს საბოლოო წერტილს უსვამდნენ.
ამერიკელი ჩოგბურთელი ჯონ ისნერი მომხდარით გაოგნებულია და აღშფოთებას ვერ ფარავს.
„მსგავსი ტიპის ქმედებები ყოვლად გაუმართლებელია. ამ ადამიანებს გამართლება არ აქვთ. ისინი არცხვენენ ჩვენ ქვეყანას“ – აღნიშნავს ერთ-ერთ გამორჩეული ამერიკელი ჩოგბურთელი.
