ახალგაზრდა ფრანგ სუპერვარსკვლავზე კილიან მბაპეზე რომ ევროპული გრანდებიდან დიდი მოთხოვნილებაა არახალი ამბავია. „პსჟ“-ს ფეხბურთელს მსუყე და მაცდური წინადადებებით არაერთი გუნდის მესვეური მიმართავს და თავისკენ ექაჩება.
საფრანგეთის სპორტის ყოფილი მინისტრი როქსანა მარისიანუ, რომელიც სხვათა შორის ცურვაში მსოფლიოს ჩემპიონია კილიან მბაპეს საჯაროდ თხოვნით მიმართავს, რომ ქვეყანა არ დატოვოს და პარიზში დარჩეს.
„კილიან, შენ ჩვენ გვჭირდები. გთხოვ დარჩი საფრანგეთში. მილიონობით შენ თანამემამულეს კვლავ სურს იხილოს თუ როგორ ბრწყინავ პარიზულ გუნდში და გვახარებ. ჩვენ ახალგაზრდა თაობას შენი სახით მაგალითი ჭირდება. მათ უნდა ჰყავდეთ ვინმე, ვისაც მიბაძავენ. კიდევ ერთხელ გთხოვ არ წახვიდე და დარჩი შენ ქვეყანაში“ – ციტირებს სპორტის ყოფილ ჩინოვკინ ქალბატონს ფრანგული პრესა.
ალბათ შეხსენება არ უნდა გჭირდებოდეთ, რომ ჩემპიონთა ლიგის პლეიოფის პურველ მატჩში კილიან მბაპემ „ბარსელონას“ ჰეთთრიქი შეუსრულა და თავის გუნდს სტუმრად 4:1 მოაგებინა.
