20 წლის ქართველი ძიუდოისტი ილია სულამანიძე წლის საუკეთესო ახალგაზრდა ძიუდოისტად დაასახელეს და მას ამომავალი ვარსკვლავის წოდება მიიღო.
IJF-ის ინტერნეტ გამოკითხვას გამარჯვებული 20 წლის სულამანიძე გახდა, რომლის გამარჯვებაშიც ქართველმა გულშემატკივარმა უდიდესი წვლილი იქონია.
სულამანიძესთან ერთად აღნიშნული ჯილდოს მოსაგებად ნომინირებული დიორა კედიროვა, მადინა ტაიმაზოვა, საიტი ტაცურუ და აი ცუნო როუსტენტი იყვნენ.
ილია გასულ წელს მსოფლიოს ჩემპიონატის ბრინჯაოს მედალოსანი, ახალგაზრდებს შორის მსოფლიოს ჩემპიონი, თბილისის გრან სლემის ვიცე-ჩემპიონი და თელ-ავივის გრან სლემის პრიზიორი გახდა.
2021 წლის ამომავალმა ვარსკვავმა წოდების მიღების შემდეგ მედიასთან კომენტარი გააკეთა:
მადლობა, ძალიან ბედნიერი ვარ. პირველ რიგში განსაკუთრებული მადლობა მინდა გადავუხადო თითოეულ ქართველ გულშემატკივარს, რომელმაც მე ხმა მომცა. განსაკუთრებული მადლობა მინდა გადავუხადო ჩემს საყვარელ რეგიონს ტყიბულს. ჩემთვის ძალიან ბევრს ნიშნავს ამ ჯილდოს მოგება, ეს ძალიან დიდი მოტივაცია და პასუხისმგებლობაა ჩემთვის. დიდი მადლობა მინდა გადავუხადო IJF-ს ამ საოცარი პროექტისთვის და მე ვფიქრობ, რომ ეს ძალიან მნიშვნელოვანია ძიუდოსთვის.
დიდი მადლობა კიდევ ერთხელ, გილოცავთ დამდეგ შობა-ახალ წელს და წარმატებებს გისურვებთ ახალ სეზონში. მადლობა! “ – განაცხადა ილია სულამანიძემ
