ოფიციალურად: ოლივიე ჟირუ მილანის ფეხბურთელია. “როსონერის” ვებგვერდმა ინფორმაცია დაადასტურა. ჟირუმ სამედიცინო შემოწმება წარმატებით გაიარა და 2-წლიანი კონტრაქტი გააფორმა.
ხელშეკრულების თანახმად, ჩელსის ყოფილი ფეხბურთელი, რომლიც მილანში 9-ნომრიანი მაისურით ითამაშებს, სეზონში 3,5 მილიონ ევროს გამოიმუშავებს.
ოლივიე ჟირუ 2018 წლიდან ლონდონის ჩელსიში თამაშობდა და 119 შეხვედრაში 39 გოლი გაიტანა, გასულ სეზონში კი ჩემპიონთა ლიგაც მოიგო.
საფრანგეთის ნაკრების მაისურით ჟირუმ 2011 წლიდან დღემდე 110 თამაშში 46 გოლი გაიტანა, 2018 წელს მსოფლიოს ჩემპიონი გახდა, ხოლო 2 წლით ადრე ევროპის ვიცე-ჩემპიონის ტიტულს დაეუფლა.
