ნოვაკ ჯოკოვიჩი უიმბლდონის ჩემპიონია. ფინალურ შეხვედრაში მან იტალიელი მატეო ბერეტინი ოთხ სეტში: (6:7; 6:4; 6:4; 6:4;) დაამარცხა.
ჯოკოვიჩი პირველ სეტში ბრეიკით იგებდა, თუმცა ბერეტინიმ ანგარიშის გათანაბრება და შემდეგ ტაიბრეიკში იმარჯვა.
დარჩენილ სამ სეტში, სერბმა ჩოგბურთელმა მეტოქეს იდენტური სხვაობით მოუგო და კარიერაში მეექვსედ მოიპოვა უიმბლდონის ჩემპიონის ტიტული.
აღსანიშნავია, რომ ჯოკოვიჩმა მეოცედ მოიგო გრანდ სლემის ტურნირი. ამ გამარჯვებით, ნოვაკს კარიერაში 20 გრანდ სლემის ტიტული დაუგროვდა. სერბმა ჩოგბურთელმა 1 700 000 ფუნტი სტერლინგი და 2 000 სარეიტინგო ქულა მიიღო. მატეო ბერეტინის კი 900 000 ფუნტი და 1 200 სარეიტინგო ქულა ერგო.
