როლან გაროსის მეორე წრე გადაულახავი ბარიერი გამოდგა ნიკოლოზ ბასილაშვილისთვის, არადა ქართველ ჩოგბურთელს წილისწყრით იდეალუი ბადე დაუჯდა და შეეძლო მინიმუმ მეოთხე ეტაპზე მაინს გასულიყო.
ბასილაშვილმა, ესპანელ პაბლო ალკარაზს, რომელიც რეიტინგის 97-ე ნომერია ვერაფერი მოუხერხა და სამ სეტში – 4:6, 2:6, 4:6 წააგო.
მიუხედავად რეიტინგში უკან ყოფნისა, წყვილის ფავორიტად სპეციალისტები მაინც ესპანელ მეჩოგნეს ითვლიდნენ და მანაც ეს სტატუსი გაამართლა. მატჩი თითქმის 2 საათს გაგრძელდა.
ნიკოლოზ ბასილაშვილი კორტზე თითქოს დუნედ გამოიყურებოდა და არაერთი უნებლიე შეცდომა დაუშვა, თუმცა ისიც სათქმელია, რომ ალკარაზი იდეალურად თამაშობდა.
საწყისი ორი სეტის წაგების შემდეგ, მესამე პარტიაში ბასილაშვილი თითქოს გამოფხიზლდა, ბრეიკიც შეასრულა, მაგრამ შემდეგ საკუთარი მოწოდება ისევ დათმო და საბოლოოდ მატჩიც წააგო.
მესამე წრეში ალკარაზის მეტოქე გერმანელი იან ლენარტ-შტრუფი იქნება.
