საქართველოს ნაკრები 11 ნოემბერს მსოფლიოს 2022 წლის ჩემპიონატის შესარჩევი ეტაპის შეხვედრაში შვედეთის ნაკრებს ბათუმი არენაზე დაუპირისპირდება.
მატჩის წინ ვილი სანიოლმა პრესკონფერენცია გამართა და გიორგი მამარდაშვილის ნაკრებში არყოფნაზეც ისაუბრა.
“როგორც იცით, სექტემბრის შემდეგ არ უთამაშია. ჩემი აზრით, ის ძალიან ნიჭიერია და მსგავსი ტალანტის ფეხბურთელებმა მუდმივად უნდა ითამაშონ. ვისაუბრეთ და მივიღეთ გადაწყვეტილება, რომ ინგლისის ახალგაზრდულ ნაკრებთან ეთამაშა, რომელიც საკმაოდ ძლიერი გუნდია და ვფიქრობ, სწორი გადაწყვეტილება მივიღეთ”, – განაცხადა ფრანგმა სპეციალისტმა.
