ტურინის „იუვენტუსი“ ამ ზაფხულს სატრანსფერო ბაზარზე დიდ აქტოურობას გეგმავს. „ბებერი ქალბატონის“ ერთ-ერთი სამიზნე იულიან დრაქსლერი იქნება. ამის შესახებ არაერთი იტალიური გამოცემა წერს.
გერმანელი ფეხბურთელი ამჟამად „პსჟ“-ში ირიცხება, თუმცა ბოლო ხანს პარიზული გრანდის ძირითად შემადგენლობაში ვერ ხვდება და სათადარიგოთა სკამზე ჯდომა უწევს.
იტალიური მედიის ცნობით, „იუვენტუსის“ ბოსები მზად არიან დრაქსლერთან ხელშეკრულება გააფორმონ თუ ფეხბურთელი იმ დროისთვის კარგ ფიზიკურ კონდიციებში იქნება.
იულიან დრაქსლერი, რომელიც 2014 წლის მუნდიალის ჩემპიონია „პსჟ“-ში 2017 წელს გადავიდა, მანამდე კი „შალკეში“ და „ვოსლბურგში“ აგორებდა ბურთს.
იანვარში, დრაქსლერის გადაბირებით ლონდონის „არსენალი“ იყო დაინტერესებული, თუმცა „მეთოფეებში“ გადასვლა თავად ფეხბურთელმა არ ისურვა.
