ტრაგიკული და ფარსაგი ამბავი შეემთხვა კრისტიან დურსოს, რომელიც სერია ბ-ს ბინადარ „ჩიტადელაში“ თამაშობს, თუმცა ალბათ რამდენიმე წლით ბურთის გორება ციხის სტადიონზე მოუწევს.
იტალიელმა ფეხბურთელმა, კლუბის თანამშრომელი იმსხვერპლა. ეს უბედური შემთხვევა იყო და ფეხბურთელსაც განზრახ მკვლელობაში არ ადანაშაულებენ, მაგრამ ყოველივე იმას არ ნიშნავს, რომ ფეხბურთელი სასჯელს გადაურჩება.
კრისტიან დურსო, საკუთარი მანქანით სტადიონის მიმდებარე ტერიტორიაზე გადაადგილდებოდა, რა დროსაც კლუბის თანამშრომელს დაეჯახა. 77 წლის ლინო სიმონეტო ველოსიპედით მოძრაობდა.
ტრაგიკული შემთხვევა 23 აპრილს მოხდა, თუმცა სიმონეტო მაშინვე არ გარდაცვლილა. ის, მიღებული ტრავმებით საავადმყოფოში გადაიყვანეს, სადაც 6 დღის შემდეგ დაიღუპა.
კრისტიან დურსო ადრეულ ასაკში „რომას“ ახალგაზრდული გუნდის წევრი გახლდათ. მიმდინარე სეზონში, მან „ჩიტადელას“ რიგებში 30 მატჩი გამართა და 3 გოლი გაიტანა.
ფეხბურთელი დაკავებულია და ბრალის წარდგენის მოლოდინშია.
