ქართველი ფეხბურთელის, ჯანო ანანიძის კარიერაზე, რომლის უდიდესი ნაწილი რუსეთსა და მოსკოვის სპარტაკს უკავშირდება, ცნობილმა რუსმა აგენტმა ალან პრუდნიკოვმა რუსულ მედიასთან ინტერვიუში გაიხსენა, რომ ჯანო ანანიძით თავის დროზე მანჩესტერ სიტი იყო დაინტერესებული.
“ჯანოს 14 წლიდან ვაკვირდებოდი. არანორმალურად ნიჭიერი ბიჭი იყო. მისი შეძენა მანჩესტერ სიტის მაშინ სურდა, როდესაც სპარტაკში კარიერის საუკეთესო პერიოდი ჰქონდა ტრავმამდე. იმ დროისთვის სპარტაკის გენერალური დირექტორები ჯანოს გაყიდვის შესაძლებლობას არ განიხილავდნენ. დასანანია მას ნათელი გონება აქვს და ევროპული ფეხბურთისთვის ნამდვილი აღმოჩენა იქნებოდა”, – ამბობს აგენტი.
ჯანო ანანიძე მოსკოვის “სპარტაკის” ღირსებას 2009-2020 წლებში იცავდა. ქართველმა ფეხბურთელმა იჯარით “როსტოვსა” და კრილია ს0ოვეტოვშიც ითამაშა, მოგვიანებით კი კვიპროსულ “ანორთოსისშიც” გამოდიოდა. ჯანო “დინამო თბილისს’ წელს გაზაფხულზე შეუერთდა.
