საფრანგეთის ჩემპიონატის მე-15 ტურის მატჩში “სენტ ეტირნმა” შინ პსჟ მიიღო და ანგარიშით 1:3 დამარცხდა. აღნიშნულ შეხვედრაში ნეიმარ ჯუნიორმა ძალიან მძიმე ტრავმა მიიღო.
შეხვედრის შემდეგ ბრაზილიელმა ფეხბურთელმა სოციალურ ქსელში სამოტივიაციო განცხადება გაავრცელა:
“უნდა გამოვჯანმრთელდე, სამწუხაროდ ეს წარუმატებლობა სპორტსმენის ცხოვრების ნაწილია. ახლა თავი უნდა ავწიო და მე დავბრუნდები უკეთესი და ძლიერი.” – განაცხადა ნეიმარმა.
შეგახსენებთ, რომ ნეიმარმა მიმდინარე სეზონში საფრანგეთის ჩემპიონატში 10 შეხვედრაში 3 გოლი გაიტანა და 3 საგოლე გადაცემა მიითვალა.
ჯერჯერობით უცნობია, თუ როდის დაუბრუნდება ბრაზილიელი ფეხბურთელი მოედანს.
