მარბელაში დასრულდა 250-იანი კატეგორიის საჩოგბურთო ტურნირი, რომელიც გრუნტის საფარზე გაიმართა.
ტურნირმა მასპინძელთა ჰეგემონიით ჩაიარა და მთავარი ჯილდოსთვისაც ორი ესპანელი მეჩოგნე – პაბლო კარენო-ბუსტა და ჰაიმე მუნარი იბრძოდნენ.
ფინალი ძალზედ დაძაბული გამოდგა, რაზეც მატჩის ხანგრძლივობაც მეტყველებს. ჩოგბურთელებმა კორტზე თითქმის ორსაათნახევარი გაატარეს.
ჩემპიონი კი პაბლო კარენო-ბუსტა გახდა, რომელმაც მეტოქე სამ სეტში – 6/1, 2/6, 6/4 დაამარცხა.
ეს ტიტული ბუსტასთვის კარიერაში მეხუთე გახლდათ, რომელმაც 40 ათასი ევრო და 250 სარეიტინგო ქულა მოუტანა.
