იტალიის ეროვნული ნაკრების მთავარმა მწვრთნელმა, რობერტო მანჩინიმ, შვეიცარიასთან მოგებული მატჩი შეაფასა:
,,ჩვენ კარგად ვითამაშეთ, ეს ძალიან რთული მატჩი იყო. შვეიცარია ორგანიზებული და ფიზიკურად ძლიერი გუნდია. თავიდან რაღაც პრობლემები გვქონდა, მაგრამ შემდეგ დავლაგდით და დამსახურებულად გავიმარჯვეთ. მატჩის ბედის გადაწყვეტა ადრე შეგვეძლო, რადგან არაერთი მომენტი შევქმენით, მაგრამ ზოგჯერ ყველაფერი კარში არ შედის.
ლოკატელიმ ფენომენალური შეხვედრა ჩაატარა. ნახევარმცველისთვის ორი გოლის გატანა ჩვეულებრივი რამ არ არის. პირველი გოლის ეპიზოდში მშვენიერი კომბინაცია გამოგვივიდა, მეორე გოლი კი ინდივიდუალურმა ოსტატობამ განაპირობა. მთელი გუნდი მოწოდების სიმაღლეზე იყო, იმის გათვალისწინებით, რომ ბოლო 5 დღეში მეორედ ვითამაშეთ, ეს ორმაგად სასიამოვნოა,” – მანჩინის სიტყვებს უეფას ოფიციალური ვებგვერდი ციტირებს.
ევროპის ჩემპიონატის A ჯგუფის მეორე ტურის შეხვედრაში იტალიის ეროვნულმა ნაკრებმა შვეიცარიას 3:0 მოუგო და მერვედფინალის საგზური გაიფორმა.
