ტოკიო 2020-ზე 60 კგ წონით კატეგორიაში მოასპარეზე ლუხუმ ჩხვიმიანი მეოთხედფინალურ დაპირისპირებაში დამარცხდა.
ქართველი ძიუდოისტის მეტოქე მსოფლიოს სამგზის ჩემპიონი, იაპონელი ნაოჰისა ტაკატო იყო, რომელსაც ლუხუმმა ტოლსწორი წინააღმდეგობა გაუწია, თუმცა მსაჯების გადაწყვეტილებით, დამატებით დროში დამარცხდა.
გადამწყვეტი შეცდომა ჩხვიმიანმა ქამარში შესვლის დროს დაუშვა. მან მეტოქეს ქამარი ორივე ხელით აუღო, რაც ძიუდოს საერთაშორისო წესებით აკრძალულია, ამის გამო ქართველმა ფალავანმა მსაჯისგან მესამე გაფრთხილება დაიმსახურა და საბოლოოდ მარცხიც ჩაეთვალა.
შედეგად, 28 წლის სპორტსმენი ოქროს მედლისთვის ბრძოლას გამოეთიშა, თუმცა ბრინჯაოს მედლის მოპოვების შანსი მაინც აქვს. ფინალური ბლოკი 10:00 საათიდან დაიწყება.
