სპორტულმა ჟურნალისტმა და კომენტატორმა ლევან სალუქვაძემ You Tube გადაცემა “ორშაბათობაში”, სათამაშო ბიზნესის რეგულაციებზე ისაუბრა.
“რეგულაციების კარგ მეთოდს შემოგთავაზებთ. მაგალითად, ვინმეს უნდა თამაში, დარეგისტრირდა ტოტალიზატორში, წარმოადგინა შემოსავლების ცნობა, რომ თვეში ერიცხება ხელფასი 1000 ლარი. 30%-ზე მეტი არ ჰქონდეს თამაშის უფლება და ვერ გაუბედურდება ვერავინ. გარკვეული მარჟა იყოს დაწესებული.
ახლა გაჯეტების თაობა მოდის. შედიხარ Bet 365-ზე და თვეში ერთხელ ამოდის შეკითხვა, ხომ არ შეცვლიდი შენი ფსონის მაქსიმუმს. პირობითად, ტარიფი არის თვეში 1000 დოლარი. იმის იქით, მეტს ფულს არ დაგადებინებს. შეგვიძლია ეს გავხადოთ იძულებითი”, – განაცხადა სალუქვაძემ.
შეგახსენებთ, რომ ახლახანს პრესკონფერენცია ლაშა ტალახაძემ, ლევან საგინაშვილმა, კოსტა ჯანაშიამ და სხვა სპორტსმენებმა გამართეს და თქვეს, რომ თუ სათამაშო ბიზნესი სპორტის სპონსორობას შეწყვეტდა, მათ საქართველოს დატოვება ან საერთოდ კარიერას დაასრულება მოუწევთ.
