26 იანვარს, კობი ბრაიანტის გარდაცვალებიდან ზუსტად 1 წელი გავიდა. Black Mamba დღეს მისმა მეგობარმა და კალათბურთის უგვირგვინო მეფემ, ლებრონ ჯეიმსმა გაიხსენა. მის სიტყვებს Cbssports ციტირებს.
„ჩვენ იგი სულ გვემახსოვრება. ჩვენ მუდამ ვატარებთ მის ფორმას და წარმატებასაც მასთან ერთად ვაღწევთ. ამას ალბათ თქვენც ამჩნევთ. კლუბში ახლაც არიან ისეთი ბიჭები, რომლებიც დღემდე მისი ფეხსაცმლით დადიან. როდესაც ჩვენ სტეპლის ცენტრში ვთამაშობთ, მუდმივად ვხედავთ მის 8 და 24-ნომრიან მაისურებს, შესაბამისად ჩვენ მუდმივად გვიწევს ცხოვრება მისი მემკვიდრეობით. მსოფლიოში არსებობს ბევრი რამ რაც ადრე თუ გვიან კვდება, მაგრამ ლეგენდები მუდმივად ცოცხლები არიან და კობი სწორედ რომ ლეგენდაა!“, ამბობს „მეფე ლებრონი“.
შეგახსენებთ, რომ 2020 წლის 26 იანვარს, კობი ბრაიანტის კერძო ვერტმფრენმა კატასტროფა განიცადა. კალათბურთელთან ერთად დაიღუპა მისი შვილი, ჯიანა ბრაიანტიც.
