ქართველი მკლავჭიდელმა, ლევან საგინაშვილმა რამდენიმე თვის წინ, “პრაიმ სპორტთან” ინტერვიუში პირველად მოგებული მსოფლიო ჩემპიონატი გაიხსენა.
“2014 წელს, როდესაც მსოფლიო ჩემპიონი გავხდი, ცოტა შოკში ვიყავი. პირველ დღეს მარცხენაში მოვიგე, მაგაზე გავგიჟდი და მეორე დღეს მარჯვენაშიც მოვახერხე გამარჯვება. ხუთჯერ შემამოწმეს დოპინგზე, ვინ ხარ საიდან მოხვედიო. მეთქი გუშინ არ შემამოწმეთქო? პასუხი კი ესეთი იყო – არა დღესაც უნდა გაგსინჯოთო”, – ამბობს ქართველი ჰალკი.
