დოჰას ტურნირი მოლეულია, რომლის ჩემპიონიც ნიკოლოზ ბასილაშვილი გახდა. 29 წლის ქართველმა ჩოგბურთელმა ყატარის დედაქალაქში დიდებულად იასპარეზა და გამარჯვებულიც დამსახურებულად გახდა. ყველაფერს რომ თავი თავანებოთ როჯერ ფედერერი დაამარცხა.
დოჰა უკვე ისტორიის კუთვნილებაა. წინ ახალი ტურნირებია. დუბაიშიც 500-იანი კატეგორიის შეჯიბრი დაიწყო, სადაც სხვებთან ერთად ნიკოლოზ ბასილაშვილიც ითამაშებს. სხვათა შორის, დუბაიში ასპარეზობას როჯერ ფედერერიც აპირებდა, მაგრამ შვეიცარიელმა ლეგენდამ დოჰაში ბასილაშვილთან მარცხის შემდეგ დუბაიში გამოსვლა გადაიფიქრა და ვარჯიშებს მიუბრუნდა.
რაც შეეხება, ნიკოლოზ ბასილაშვილის პირველ მეტოქეს დუბაიში „პრაიმსპორტმა“ უკვე გამცნოთ, რომ ის ტეილორ ფრიცი იქნება. ამერიკელი ჩოგბურთელი ნიკოლოზ ბასილაშვილს დოჰას ტურნირის ნახევარფინალშიც შეხვდა, სადაც ნიკამ ორ სეტში იმარჯვა.
ტეილორ ფრიცზე ამერიკელები დიდ იმედებს ამყარებენ. 23 წლის ჩოგბურთელი რეიტინის 30-ე ნომერია, თუმცა ჯერ ATP-ის ტურნირი არ მოუგია.
ნიკოლოზ ბასილაშვილის და ტეილორ ფრიცის დაპირისპირება დუბაიში 16 მარტს გაიმართება.
