იმთავითვე ნათელი იყო, რომ ოქსანა კალაშნიკოვას, ავსტრალიის ღია პირველობის სასტარტო მატჩში წარმატება ძალიან გაუჭირდებოდა, რადგან მოწინააღმდეგეებად გაცილებით გამოცდილი და ძლიერი ჩოგბურთელები ჰყავდათ. მიხვდებოდით, წყვილთა შორის ასპარეზობაზე მოგახსენებთ, სადაც ქართველი ჩოგბურთელი მელბურნში ესპანელ გარსია-პერესთან ერთად თამაშობდა.
ადრეც ვწერდით, რომ ქართულ-ესპანურ დუეტს წილისყრაში დიდად არ გაუმართლად, რადგან მეტოქეებად კირტსენ ფლიპკენსის და ანდრეა კლეპაჩის წყვილი შეხვდათ. ვინც ჩოგბურთში კარგად ერკვევა მიხვდება, რომ ბელგიელი და სლოვენიელი მეჩოგნეები რა ძალას წარმოადგენენ. ისინი მელბურნში მეოთხე ნომრად არიან განთესილნი.
მოკლედ, კალაშნიკოვა-პერესის წყვილი პირველ ეტაპზევე მრისხანე მეტოქეებთან კი დამარცხდნენ, მაგრამ კორტზე სტატისტის როლშიც არ ყოფილან, რაც ანგარიშიდანაც მეტყველებს – 5:7, 4:6.
