ლეგენდარულმა მონღოლმა სუმოისტმა, იოკოძუნა კაკურიუმ კარიერა დაასრულა. 35 წლის რიკიშმა გადაწყვეტილება დიდხნიანი ტრავმის შემდეგ მიიღო, რის გამოც ის ბოლო 5 ბაშოზე ასპარეზობას ვერ ახერხებდა.
ვეტერანი სუმოისტი დიდი ხნის განმავლობაში იდაყვისა და წელის არეში მიღებული ტრავმის მოშუშებას ვერ ახერხებდა. იაპონიის სუმოს ასოციაციამ კაკურიუს მოთხოვნა უკვე დააკმაყოფილა.
ცოტა ხნის წინ, მონღოლმა რიკიშმა გამოაცხადა, რომ ტრავმის გართულების გამო გაზაფხულის დიდ ტურნირსაც გამოტოვებდა, რამაც სავარაუდოდ კარიერის დასრულების გადაწყვეტილებაც მიაღებინა.
ამასთან, ცოტა ხნის წინ კაკურიუმ იაპონიის მოქალაქეობაც მიიღო, რაც სუმოისტს ქვეყანაში ცხოვრების შესაძლებლობას აძლევს. პარალელურად, ის ახალგაზრდა მოჭიდავეებთან მწვრთნელის რანგში იმუშავებს ასევე, ის სუმოს ასოციაციაში უხუცესის წოდებასაც მიიღებს.
იოკოძუნა კაკურიუს მონღოლეთში დაბადებული რიკიშია, რომლის ნამდვილი სახელი და გვარი მანგალჯალავ ანანდია. პროფესიონალურ სუმოში მისი დებიუტი 2001 წელს შედგა, იოკოძუნას წოდება კი 2014 წელს მიანიჭეს. ის უმაღლესი ბაშოს გამარჯვებული 6-ჯერ გახდა.
