“ინდიანა პეისერსმა” 22 წლის ქართველ კალათბურთელს გოგა ბითაძეს კონტრაქტი კიდევ ერთი სეზონით გაუხანგრძლივა.
გოგა ინდიანაში უკვე მე-3 წელია, რაც თამაშობს და დარჩებოდა თუ არა ინდიანაში 2022-23 წლების სეზონში, სრულად კლუბზე იყო დამოკიდებული. დღეს დილით ოფიციალურად გამოაცხადა, რომ ქართველ კალათბურთელთან ამერიკული კლუბი კიდევ ერთი სეზონით ითანამშრომლებს.
ახალი ხელშეკრულების მიხედვით ბითაძე მომავალ სეზონში 4.76 მილიონ დოლარს მიიღებს.
ქართველმა კალათბურთელმა NBA-ის გასულ სეზონში 45 მატჩში მიიღო მონაწილეობა და საშუალოდ 12.5 წუთში 5.1 ქულასა და 3.3 მოხსნას აგროვებდა.
ინდიანა “პეისერსი” NBA-ის აღმოსავლეთ კონფერენციაში ბოლო ადგილზე იმყოფება და მომდევნო მატჩს 2 ნოემბერს სან ანტონიო სპურსის წინააღმდეგ გამართავს.
