IJF-მა აბუ-დაბის გრან სლემის დასრულების შემდეგ საერთაშორისო რეიტინგი გამოაქვეყნა, რომელსაც აქამდე ტატო გრიგალაშვილი ლიდერობდა.
ამჯერად მამაკცთა სიას სათავეში ბელგიელი მატიას კასე ჩაუდგა, მეორე ადგილს რუსი მძიმეწონოსანი ტამერლან ბაშაევი იკავებს, მესამე ადგილზე კი ქართველი მოქმედი ოლიმპიური ჩემპიონი ლაშა ბექაურია.
სასიამოვნოა, რომ ათეულში მოქმედი მსოფლიო ჩემპიონი ლაშა შავდათუაშვილი (მე-5 ადგილი) და ტატო გრიგალშვილი (მე-8 ადგილი) არიან.
აღსანიშნავია, რომ ქალთა ჩათვლას 7830 ქულით მოქმედი ოლიმპიური ჩემპიონი ფრანგი კლარის აგბენენუ ლიდერობს.
IJF-ის ტურები 2022 წლიდან განახლდება, წლის პირველ ტურნირს პორტუგალიის ქალაქი ოდიველასი 28-30 იანვარს უმასპინძლებს.
