მას შემდეგ, რაც ახალგაზრდული ,,უოტფორდიდან“ გუნდის 12 წლის კაპიტანი ვინი ჯონსი სისუსტის გამო გარიცხეს, მისი ცხოვრება ბრძოლას დაემსგავსა, სადაც თითქმის ყველა ილეთი მისაღებია თავის გასატანად.
ყველაზე ცნობილი ასეთი ილეთი, რომელიც მან სკოლაში მასწავლებლისგან შეისწავლა, პოლ გასკოინის წინააღმდეგ გამოიყენა. ,,თამაშის წინ თავი ვერ ვაიძულე არ მეყურებინა მეორე ნახევარზე მოსათელად გამოსული ჯონსისთვის. ასეთ მანძილზეც კი ის უზარმაზარად მეჩვენებოდა. შეხვედრის დაწყებიდან მოკლე დროში ის მომიახლოვდა და ყურში ჩამჩურჩულა: ,,მე ვინი ჯონსი ვარ და მთელი შეხვედრა შორი-ახლოს ვიქნები. გაიგე, ფუნთუშა? დღეს მარტო მე და შენ ვიქნებით”.
„ჩემმა გუნდმა ჯარიმა მოიპოვა და მე და ჯონსი საჯარიმოში ჩაწოდების მოლოდინში გვერდი-გვერდ ვიდექით. ის ჩემს წინ იდგა და უეცრად კვერცხებზე საშინელი ძალით მომიჭირა ხელი. მოულოდნელობისა და ტკივილისგან ღმუილი აღმომხდა. ფოტოგრაფების დამსახურებით მეორე დღეს ამის შესახებ ყველამ იცოდა“, – იხსენებს ამ მომენტს ,,გაზა“. სწორედ ამის შემდეგ დაწერა ერთმა ჟურნალისტმა, რომ უხეში ვინი ჯონსის საქმეები ამიერიდან უკან და უკან წავა, ხოლო როცა კარიერას დაასრულებს, მისი არსებობა ყველას დაავიწყდება. ,,სამუდამოდ დამამახსოვრდა ეს სიტყვები და ახლა მადლობელიც კი ვარ იმ ჟურნალისტის. მას შემდეგ მართლაც სერიოზულად დავფიქრდი – რა იქნება შემდეგ?“ – გამოტყდა ერთხელ ვინი ჯონსი.“
ჯერ კიდევ აქტიური გამოხტომების დროს გააცნობიერა უელსელმა, რომ სასტიკი ადამიანის რეპუტაციას მარტო ზიანის მიყენება არ შეეძლო, იმის მიუხედავადაც, რომ პირველი როლის შესრულებას (,,მკაცრი ბიჭები“, 1992 წელი) დიდი ფულადი ჯარიმა და ფეხბურთიდან ექვსთვიანი დისკვალიფიკაცია მოჰყვა ფეხბურთის ასოციაციიდან. ჯონსი სასოწარკვეთილებაში არ ჩავარდნილა და ტელევიზიაში საქმიანობას მიჰყო ხელი – სადაც პროგრამა ,,მამაკაცები და ძრავები“-ს წამყვანი გახდა. სწორედ აქ შეამჩნია პირველად გაი რიჩიმ. ,,ბანქო, ფული და ორი ლულა“-ს გადაღებებისას ის პირობით მსჯავრში იყო, რადგან 1997 წელს მეზობელი გალახა, რომელთანაც საცხოვრებელი სახლის ეზოს საზღვარზე ვერ შეთანხმდა. უელსელი ციხეს ბეწვზე გადაურჩა, თუმცა ის 1150 ფუნტით დააჯარიმეს და ასი საათით საზოგადოებისთვის სასარგებლო მუშაობა დააკისრეს – იგი მოხუცთა თავშესაფრის კედლებს ღებავდა და დახმარებას უწევდა ობლებსა და ღარიბებს.
კრიტიკოსები აღფრთოვანებულები დარჩნენ ჯონსის შესრულებული როლით, თუმცა თავად იგი მოკრძალებულად აღნიშნავდა, რომ ეს არცთუ ისეთი ძნელი იყო და მორიგი, რიგითი გამოწვევა გახლდათ, ისევე, როგორც ეს 1984 წელს მოხდა, როცა უნივერსიტეტის მოედანზე, სადაც 18 წლის მოზარდი მებაღედ მუშაობდა და სამოყვარულო ,,უელდსტონი“ ვარჯიშებს ატარებდა. იმ დღეს მწვრთნელის დავალებით მოთამაშეები ერთმანეთს ცენტრის ხაზიდან საჯარიმოში აუტის ჩაწოდებაში ეჯიბრებოდნენ და ვინი ჯონსმა ალბათ მისი ცხოვრების მთავარი შანსი გამოიყენა.
პირველი ფილმისგან მიღებული მთელი ჰონორარი (30 ათასი ფუნტი) ვინიმ სრულად იმ საავადმყოფოს შესწირა, სადაც მის მეუღლე ტანიას გულის გადანერგვა ჩაუტარეს. ,,მას სჯერა, რომ ის იმიტომ გადაარჩინეს, რომ მერე მას მე გადავერჩინე“, – ამბობს ვინი ჯონსი, რომელმაც უელსელი ბაბუის გამო უელსის ნაკრებში 9-ჯერ ითამაშა.
მთელმა კინო სამყარომ მას მიაპყრო მზერა: ,,უჩვეულო იყო ამხელა ყურადღების ცენტრში ყოფნა. ფეხბურთში მთელი 15 წლის მანძილზე ერთი საქებარი სიტყვა არ გამიგია, აქ კი ბრიტანეთის საუკეთესო მსახიობად მაღიარეს! ასეთი რამ წარმოუდგენელია ისეთი ადამიანისთვის, რომელსაც სასტიკი და დაუნდობელი ადამიანის რეპუტაცია ჰქონდა.
ვინი ჯონს ,,დიდება“ მოედანზე ჩადენილმა საქციელებმა არ მოუტანეს მარტო. ერთხელ ჯონსი მოედანზე გასვლიდან სამ წამში გააფრთხილა მსაჯმა, სწორედ მისი ფეხებში ვარდნის გამო დაასრულა კარიერა ჰარი სტივენსმა, ვინი იყო ასევე ლონდონის ცნობილი დაჯგუფება ,,შეშლილების“ სახე და ერთხელ მწვრთნელს საფეთქელზე ნამდვილი იარაღი დაადო, რადგან, როგორ გაბედა და ამ უბადრუკმა ის სათადარიგოთა სკამზე დატოვა. 1988 წელს ,,უიმბლდონთან“ ერთად ვინი ჯონსმა ინგლისის თასიც მოიგო.
უელსელი საბოლოოდ მაშინ შეიცვალა, როცა მის ცხოვრებაში ტანია გამოჩნდა, რომელთან დაქორწინების შემდეგ მან მშვიდად მიიღო კარიერის დასრულების შესახებ გადაწყვეტილება და საკუთარ ძალებში დარწმუნებულმა შეაღო კარი ახალ ცხოვრებაში, იმ ცხოვრებაში, სადაც სასტიკი ადამიანის იმიჯი არ მოშორებია, თუმცა, როგორც ადამიანი, უკეთესობისკენ შეიცვალა
,,ბევრი ჩემი როლი ირონიულია, თუმცა საზოგადოება ამას ვერ ამჩნევს. მაყურებელს სურს, რომ ჩემმა გმირმა ვინმეს სახე ააძროს. ბრიტანელები შურიანები არიან. ყოველი როლის შემდეგ ამბობენ, რომ ეს ჩემი ბოლო ფილმი იყო, თუმცა ასეთი უკვე 50 დამიგროვდა“, – სახეგაბრწყინებული ამბობს ამას ვინი.
რამდენიმე წლის წინ უელსელმა საკუთარ თავში სხვადასხვა მისწრაფებები და ჰობები აღმოაჩინა. ერთ-ერთი ასეთი ფერმის გაშენება და ცხენების მოვლაა. მან ასევე მუსიკალური ალბომიც გამოუშვა, რომელშიც ძირითადად ბლუზი და სოულია შესული. ,,ბავშვობაში მეტყევე მსურდა გამოვსულიყავი. ცხოვრებაში რა არის ჩემთვის მნიშვნელოვანი გავარკვიე – ეს ოჯახია, ყველაფერი დანარჩენი მეორე ხარისხოვანია“.
ჯონსი ფინანსურად ეხმარება საბავშვო სახლებს, წლების წინ ასევე ფინანსურ დახმარებას უწევდა პოლ გასკოინის მკურნალობას. ,,ჩემს შვილებს ხშირად ვეუბნები, რომ თუ მთავარ გზას აცდებიან, ყოველთვის ეძებონ მასზე დასაბრუნებელი გზები. მე ხომ შევძელი ეს“, – ამბობს ვინი ჯონსი.
5 იანვარს, ვინი ჯონსი 56 წლის გახდა.
