საქართველოს ნაკრების ვიცე-კაპიტანმა, გურამ კაშიამ ბრატისლავას „სლოვანში“ გადასვლის შემდეგ პირველი კომენტარი კლუბის ვებ-გვერდთან გააკეთა.
„ძალიან ბედნიერი ვარ. ვიცი სლოვანის მიზნები რა არის და რას ველი. ტეჰელფის სტადიონი მშვენიერია, ფეხბურთის სულისკვეთება იგრძნობა და მოუთმენლად ველი პირველი თამაშის ჩატარებას. მწვრთნელს ვლადიმირ ვაისს კარგად ვიცნობ, ის ერთ-ერთი საუკეთესო მწვრთნელია ვისთან ერთადაც მიმუშავია და ასევე შესანიშნავი პიროვნებაა. ახლა მინდა კონცენტრირება კარგ მომზადებაზე მოვახდინო, შემდეგ კი შევეცდები, მოედანზე სრულად დავიხარჯო ამ კლუბისთვის და გულშემატკივრებისთვის“, – განაცხადა 33 წლის ფეხბურთელმა.
შეგახსენებთ, რომ გურამ კაშიასთან ერთად სლოვაკურ კლუბში საქართველოს ნაკრების კაპიტანი, ჯაბა კანკავაც ითამაშებს.
გურამ კაშია ბოლოს თბილისის „ლოკომოტივში“ გამოდიოდა, სადაც 17 მატჩში 4 გოლის გატანა მოახერხა.
