ჩრდ. მაკედონიის ლიდერი, გორან პანდევი სანაკრებო კარიერას ასრულებს. დღეს, ევროპის ჩემპიონატის C ჯგუფის ბოლო მატჩში ჩრდ. მაკედონია ნიდერლანდებს შეხვდება და აღნიშნული დაპირისპირება 38 წლის ფეხბურთელისთვის ეროვნულ ნაკრებში ბოლო იქნება.
გორან პანდევმა სანაკრებო კარიერა 2001 წელს დაიწყო, თავის ქვეყანაში 121 მატჩი ჩაატარა და 38 გოლის გატანა მოახერხა. ის ჩრდ. მაკედონიის შემადგენლობაში საუკეთესო ბომბარდირია და ჩატარებული თამაშების მხრივაც პირველ ადგილზეა.
„ბედნიერი ვარ, რომ ეროვნულ გუნდს ასეთი დიდი ტურნირის შემდეგ ვემშვიდობები. ჩემთვის და არამხოლოდ ჩემთვის, არამედ მთელი ქვეყნისთვის ოცნება რეალობად იქცა. ჩვენი ქვეყანა, ჩრდ. მაკედონია დიდ ფორუმზე ვნახეთ”, – განაცხადა პანდევმა
გადაწყვეტილების მიღების შემდეგ გაკეთებულ კომენტარში პანდევმა განაცხადა, რომ მისი წასვლიშ შემდეგ ამჟამინდელი თაობის მოთამაშეებს შეუძლიათ ქვეყანა მომდევნო წელს მსოფლიოს ჩემპიონატზე გაიყვანონ.
ცნობისთვის, 38 წლის ფეხბურთელმა სანაკრებო კარიერის დასრულების გადაწყვეტილება ერთხელ უკვე მიიღო, თუმცა 2015 წელს გუნდში იგორ ანგელოვსკის მოსვლის შემდეგ, პანდევმა ნაკრებში დაბრუნების გადაწყვეტილება მიიღო. ვეტერანმა ფეხბურთელმა საკუთარი ქვეყნისთვის ისტორიული გოლი თბილისში, ერთა ლიგის ფინალში გაიტანა და ჩრდ. მაკედონია ევროპის ჩემპიონატზე გაიყვანა.
ამასთან, ის ევროპის ჩემპიონატების ისტორიაში გახდა მეორე ასაკოვანი ფეხბურთელი, რომელმაც ევროპირველობაზე გოლის გატანა შეძლო.
