ღიმილი და თავისუფლება – მესის მოსკოვში ეპატიჟებიან

გასრულდა ესე ამბავი ლიონელ მესის და „ბარსელონას“ მიჯაჭვულობისა. დიახ, პირველად 21 წლის მანძილზე, არგენტინელი სუპერვარსკვლავი კატალონიური გრანდის საკუთრება აღარ არის,

კიდევ უფრო მარტივად და გასაგებად რომ ვთქვათ, 1 ივლისიდან მესი თავისუფალი აგენტი გახდა და მას „ბარსელონასთან“ არანაირი ვალდებულება აღარ აქვს.

როგორი იქნება მესის მომავალი? რა გადაწყვეტილებას მიიღებს ის და მისი შტაბი? უერთგულებს „ბარსელონას“ კარიერის ბოლომდე თუ მაინც წავა და ბურთს სხვა გუნდში, ანდა სულაც სხვა ქვეყნის ჩემპიონატში გააგორებს?

ისე, ცოტა ღიმილის მომგვრელი კი არის და თითქოს უტოპიურად მოჩანს, მაგრამ ლიონელ მესის რუსეთში ეპატიჟებიან. ლეოს მოსკოვის „სპარტაკი“ უხმობს. არა გვგონია მესიმ რუსეთის სახალხო გუნდის მაისურა მოირგოს, მაგრამ დაახლოებით მსგავსი პრეცენდენტი კი გვახსოვს. სამუელ ეტოო, რომელიც სწორედაც რომ „ბარსელონას“ ფორვარდი გახლდათ, კარიერის მიწურულს მახაჩკალის „ანჟიში“ გადაბარგდა.