პრემიერლიგის 26-ე ტურის ცენტრალური მატჩი უსათუოდ „სტემფორდ ბრიჯზე“ გაიმართება, სადაც „ჩელსი“ საკუთარ მოედანზე „მანჩესტერ იუნაიტედს“ უმასპინძლებს.
არისტოკრატებში ტომას ტუხელის მისვლის შემდეგ, „ჩელსი“ პრემიერლიგაში“ წაუგებელია და ბუნებრივია ამ წარმატებული სერიის გაგრძელებას შეეცდება.
წითელი ეშმაკების კაპიტანი გარი მაგუაერი ოპტიმისტურად არის განწყობილი და ამბობს, რომ მაქსიმუმს გაიღებენ, რათა ტომას ტუხელს ხასიათი გაუფუჭონ.
„რა თქმა უნდა, ურთულესი მატჩის მოლოდინში ვართ. ჩელსისთან დაპირისპირება ადვილი არ იქნება, მაგრამ წინა სეზონში ჩვენ ისინი თავიანთ მოედანზე 2:0 დავამარცხეთ. რატომ არ შეიძლება იგივე ახლაც გავიმეოროთ?
ტომას ტუხელის მოსვლის შემდეგ ჩელსი სხვა ფეხბურთს თამაშობს. მათ მოგებებს უმატეს და სატურნირო ცხრილშიც მდგომარეობა გამოისწორეს. ყველაფერს გავაკეთებთ, რათა ტუხელი მატჩის შემდეგ ცუდ ხასიათზე იყოს“ – ამბობს გარი მაგუაირი.
