ჩემპიონთა ლიგის პლეიოფის მერვედფინალის პირველ დაპირისპირებაში „დორტმუნდმა“ სტუმრად მნიშვნელოვანი გამარჯვება მოიპოვა და „სევილიას“ 3:2 მოუგო.
თამამად შეიძლება ითქვას, რომ მატჩის გმირი და გერმანელთა ამ გამარჯვების მთავარი შემოქმედი ერლინგ ჰოლანდი გახლდათ. ახალგაზრდა ნორვეგიელმა ტალანტმა სევილიელებს დუბლი შეუსრულა.
ალბათ შორს არ არის ის დრო, როდესაც ნორვეგიელ ფეხბურთელს რომელიმე ევროპულ გრანდში ვიხილავთ. მასზე ნამდვილი ტაციაობაა.
მანამდე კი ჰოლანდი დორტმუნდელთათვის ბოლომდე დახარჯვას აპირებს.
„ბედნიერი ვარ რომ ამ მნიშვნელოვან გამარჯვებაში ჩემი წვლილი შევიტანე. მატჩის წინ, მთავარმა მწვრთნელმა კარგად დაგვმუხტა, მე კი მითრა რომ დღეს ჩემი თამაში იქნებოდა.
არასასურველია ორ გოლს რომ უშვებ, მაგრამ კარგია როდესაც შენ სამს იტან. ჩვენ დღეს გაცილებით მოტივირებულნი ვიყავით და დამსახურებულად გავიმარჯვეთ.
მიხარია რომ მწვრთნელის და ქომაგების იმედები გავამართლე. შინ გამარჯვებულები ვბრუნდებით და მთავარიც ეს არის.
ესპანეთში გამარჯვება სასიამოვნო შეგრძნებაა, მაგრამ ახლა ბუნდესლიგის მომდევნო მატჩებისთვის უნდა მოვემზადოთ“ – ამბობს ერლინგ ჰოლანდი.
