ეპოქის დასასრული – ლიოვი გერმანიიდან ნაკრებიდან მიდის

15 წლიანი ეპოპეა დასრულებულია. უფრო სწორად, ამ ზაფხულს, ევროპის ჩემპიონატის შემდეგ დაესმება წერტილი.

დიახ, იოახიმ ლიოვი გერმანიის ნაკრებს ტოვებს. ეს ამბავი გერმანიის ფეხბურთის ფედერაციის ოფიციალურმა ვებგვერდმა უკვე დაადასტურა.

იოახიმ ლიოვის კონტრაქტი ძალაში 2022 წლის მუნდიალის ბოლომდე იყო, თუმცა გერმანელმა სპეციალისტმა წასვლა თავად ითხოვა და ფედერაციასაც დიდად კალთების ხევა აღარ დაუწყია.

იოახიმ ლიოვმა გერმანიის ნაკრები 2006 წელს ჩაიბარა და მისი თავკაცობით გუნდმა 6 მსხვილ საფეხბურთო ფორუმზე იასპარეზა. ყველაზე გამოსაყოფი კი რა თქმა უნდა 2014 წელს ბრაზილიაში გამართული მსოფლიო ჩემპიონატია, რომელიც გერმანიის ნაკრების სრული ტრიუმფით დასრულდა. ამას გარდა, ლიოვის მწვრთნელობის პერიოდში გერმანელებმა ევროპის ჩემპიონატებზე ერთხელ ვერცხლი და ორჯერ ბრინჯაოს მედლები მოიპოვეს. 2017 წელს კი კონფედერაციის თასიც მოიგეს.

ამბობენ, რომ იოახიმ ლიოვს ამ საპასუხისმგებლო თანამდებობაზე იურგენ კლოპი ან ჰანს დიტერ-ფლიკი შეცვლისო.