საქართველოს ნაკრებისა და ბელგიური „გენტის“ შემტევმა, გიორგი ჩაკვეტაძემ 980-დღიანი პაუზის შემდეგ პირველად გაიტანა. ქართველი ფეხბურთელის გუნდმა საკუთარ მოედანზე „ბელისა ბილზენი“ მიიღო და გამანადგურებელი ანგარიშით – 5:0 დაამარცხა.
გიორგი ჩაკვეტაძემ თავი მე-60 წუთზე გამოიჩინა. ახალგაზრდა ფეხბურთელმა მეტოქეს თერთმეტმეტრიანი გაუტანა და საბოლოო ანგარიშიც დააფიქსირა. გოლის შემდეგ, მთავარმა მწვრთნელმა ქართველი ფეხბურთელი მოედნიდან გაიყვანა.
აქამდე, ჩაკვეტაძის მონაგარი 8 მატჩში ორი საგოლე გადაცემა იყო და საბედნიეროდ, ქართველმა ფეხბურთელმა სტატისტიკას ერთი გოლიც მიუმატა. საგულისხმოა, რომ გიომ გოლი ბოლოს 2019 წლის 6 აპრილს გაიტანა.
„გენტი“ მომდევნო მატჩს პირველ ნოემბერს, ბელგიის ჩემპიონატის ლიდერ „როიალ უნიონის“ წინააღმდეგ ჩაატარებს.
