საქართველოს ნაკრების მთავარმა მწვრთნელმა ვილი სანიოლმა პრესკონფერენცია გამართა.
ფრანგმა სპეციალისტმა მედიასთან ჯვაროსნების 20 წლის ლიდერზე ხვიჩა კვარაცხელიაზე ისაუბრა:
“ასეთი რთული პერიოდი ფეხბურთელის კარიერაში დგება ხოლმე. ხვიჩასთან მარტის შემდეგ არ მიმუშავია, თუმცა ჩვენ ერთმანეთის კარგად გვესმის. ბოლო მატჩს რაც შეეხება, მართალია, პენალტი ვერ გაიტანა, მაგრამ ბევრ ცნობილ ფეხბურთელს ვერ გაუტანია, მათ შორის რობერტო ბაჯოს და კილიან მბაპეს. ეს მის ხარისხს ვერანაირად განსაზღრავს.
მჯერა, რომ უახლოეს მატჩებში ის ნაკრებში მაქსიმალურად დაიხარჯება და როგორც ესპანეთთან მატჩის შემდეგ, ახლაც დიდი გამოხმაურება ექნება მის თამაშს.
მეც ვიყავი 20 წლის და კარგად ვიცი, ამ ასაკის ფეხბურთელს როგორ სჭირდება ჩვენი მხარდაჭერა. ჩვენ მის გვერდით ვართ და მის შესაძლებლობებში დარწმუნებულები ვართ”, – განაცხადა სანიოლმა.
