წარსულში „ევერტონის“, შემდეგ კი „მანჩესტერ იუნაიტედის“ მთავარი მწვრთნელი დევიდ მოიესი, რომელიც ამჟამად ლონდონის „ვესტ-ჰემს“ თავკაცობს ინგლისის ფეხბურთის ბოლოდროინდელი გადაწყვეტილებებით უკმაყოფილოა.
მოიესის გაკვირვება და აღშფოთება პრემიერლიგაში რამდენიმე გადადებულმა მატჩმა გამოიწვია, რომელიც ნისლიან ალბიონზე კორონავირუსის ფართოდ გავრცელებას უკავშირდება. შეგახსენებთ, პრემიერლიგის ბოსებმა ჯე „ევერტონი“ „მანჩესტერ სიტის“, შემდეგ კი „ტოტენჰემი“ „ფულჰემის“ დაპირისპირებები გადადეს.
ნიშანდობლივია, რომ პრემიერლიგის რეგლამენტში, პანდემიის მხრივ ამა თუ იმ მატჩის გადადების საკითხი მკაცრად არის გაწერილი, სადაც წერია, რომ თუ განაცხადში 14 ფეხბურთელი მაინც არის მაშინ მატჩი უნდა ჩატარდეს.
„რა თქმა უნდა ეპიდემიოლოგიურ ვითარებას თვალს ვადევნებთ და ეს გლობალური გამოწვევა ჩვენთვის სულერთ არ არის, მაგრამა აქვე ერთ გარემოებას მინდა ხაზი გავუსვა. როდესაც მე და ჩემი გუნდის ორი ფეხბურთელი ინფიცირებულები ვიყავით, მაშინ მატჩის გადადებაზე არავის უფიქრია. რა, ჩემი ვირუსი, ვირუსი არ იყო?
როგორც ვიცი, გუნდში მინიმუმ 14 ფეხბურთელი თუ არის მატჩი აუცილებლად უნდა გაიმართოს. ასევე ნებადართულია ფეხბურთელების აკადემიიდან დამატებაც. არ ვიცოდი წესები თუ შეიცვალა“ – ამბობს დევიდ მოიესი.
