საქართველოს 21-წლამდელთა ნაკრებმა რუმინეთთან ამხანაგური მატჩი ჩაატარა და ფრედ, 1:1 ითამაშა.
ჩვენი გუნდის შემადგენლობაში ერთადერთი გოლის ავტორმა, გიორგი გულიაშვილმა მატჩის შემდეგ მცირე კომენტარი გააკეთა:
„ვიცოდით, რომ რთული თამაში იქნებოდა, მეტოქე გუნდიდან გამომდინარე. მართლაც დაძაბული მატჩი გამოვიდა – ვაგებდით და შემდეგ შევძელით და გავთანაბრეთ, თუმცა ჩემი აზრით თავისუფლად შეგვეძლო გამარჯვება მოგვეპოვებინა.
რაც შეეხება შეკრებას, ვფიქრობ, რომ ნაყოფიერი გამოვიდა. წინ კიდევ ბევრი შეკრება გვაქვს და ვეცდებით, რომ 2023 წელს ჩვენი მაქსიმუმი გავაკეთოთ”, – განაცხადა გულიაშვილმა
შეგახსენებთ, რომ 2023 წელს საქართველო და რუმინეთი 21-წლამდე ევროპის ჩემპიონატს უმასპინძლებენ. ამ ტურნირზე თავის გამოჩენის საშუალება ხვიჩა კვარაცხელიასაც ექნება.
