საქართველოს ნაკრების 22 წლის ფეხბურთელმა, გიორგი ჩაკვეტაძემ “ჰამბურგის” შემადგენლობაში პირველი ოფიციალური შეხვედრა ჩაატარა. “ჰამბურგი” ჩემპიონატის ლიდერ “დამშტარდს” ესტუმრა და გამანადგურებელი ანგარიშით 0:5 მოუგო.
გიორგი შეხვედრაში 78-ე წუთზე ჩაერთო, ქართველმა ფეხბურთელმა მცირე სათამაშო დროში მშვენიერი შთაბეჭდილება დატოვა, გიორგიმ “ჰამბურგის” მე-5 გოლში მონაწილეობა მიიღო.
“ჰამბურგი” ამ გამარჯვებით მე-4 ადგილზე დაწინაურდა, გიორგი ჩაკვეტაძის გუნდს ჩემპიონატის ლიდერთან მხოლოდ 2 ქულა აშორებს.
შეგახსენებთ, რომ “ჰამბურგმა” გიორგი ჩაკვეტაძე 6-თვიანი იჯარით ბელგიური “გენტიდან” დაიმატა.
