ესპანეთის ჩემპიონატის მე-17 ტურში, „ბარსელონამ“ სტუმრად „უესკას“ 1:0 მოუგო, მაგრამ ამაში რაიმე განსაკუთრებულია რა თქმა უნდა არაფერია. მართალია, „ბლაუგრანა“ მიმდინარე სეზონში იდეალურად ვერ გამოიყურება და რონალდ კუმანსაც მოკრიტიკეები მოუმრავლდნენ, მაგრამ ვგონებთ კატალონიური გრანდი ისე არასოდეს დაჩაჩანაკდება „უესკას“ დონის გუნდებთან მოგება დიდ მიღწევად მივიჩნიოთ.
მიღწევებს რაც შეეხება, ამით გულშემატკივრებს ლიონელ მესი უხვად ანებივრებს. „უესკასთან“ დაპირისპირებაში არგენტინელმა ვარსკვავმა მორიგი უნიკალური შედეგი დააფიქსირა. მესიმ, ესპანეთის პრიმერადივიზიონის ეგიდით მე-500 მატჩი ითამაშა, რაც ლეგიონერებში ყველა დროის რეკორდია. კონკრეტულად „ბარსელონას“ ფეხბურთელთაგან კი ამ მაჩვენებლით მხოლოდ ერთ ფეხბურთელს – ჩავი ერნანდესს ჩამორჩება, რომლის ანგარიშზეც 505 მატჩია.
ზოგადად, ესპანეთის ჩემპიონატის ყველა დროის რეკორდი კი 617 მატჩით ლეგენდარულ მეკარეს ანტონი სუბისარეტას ეკუთვნის.
